Услови за користење

Е-Откуп го води Агенција за финансиска поддршка во земјоделството и руралниот развој (АФПЗРР). Преку него регистрираните откупувачи го пријавуваат откупот на земјоделски производи, а Агенцијата ги проверува, одобрува и пренесува податоците во Интегрираниот систем за администрација и контрола (ИАКС).

• Системот можат да го користат само лица поканети од Агенцијата или од администраторот на сметката на откупувачот.
• Сметката е лична. Не ја споделувајте лозинката и не дозволувајте друг да работи под вашето име.
• Одговорни сте за сè што е направено со вашата сметка. Ако се сомневате во злоупотреба, веднаш сменете ја лозинката и известете ја Агенцијата.
• Администраторот на сметката на откупувачот одговара кого поканил и мора да го отстрани пристапот на лицата што повеќе не работат за откупувачот.

• Податоците за откупот ги доставувате точни, целосни и во роковите што ги определува Агенцијата.
• Податоците за производителите мора да ги имате прибавено законито, во согласност со прописите за заштита на личните податоци.
• Изјава без откуп потпишувате само кога во наведениот период навистина немало откуп.
• Грешките во веќе поднесените податоци ги исправате преку барање за измена, а не со ново поднесување.

Со поднесување или потпишување потврдувате дека податоците се вистинити. Неточните податоци може да повлечат мерки според прописите.

Не смеете:

• да пристапувате или да се обидувате да пристапите до податоци за кои немате овластување;
• да го заобиколувате или тестирате заштитниот систем без писмена дозвола од Агенцијата;
• да го преоптоварувате системот со автоматски барања или да прибирате податоци од него со автоматски алатки;
• да прикачувате датотеки со штетна содржина.

Поднесените податоци ги проверува Агенцијата и може да ги одобри, да ги врати за доработка или да ги одбие. Одобрените податоци се пренесуваат во ИАКС и потоа не можат да се менуваат. Секоја измена се запишува во дневникот на активности, со тоа кој и кога ја направил.

Настојуваме системот да биде постојано достапен, но може да биде привремено недостапен поради одржување или технички проблеми. Кога и дали може да се поднесува определува Агенцијата.

Агенцијата може да суспендира сметка на корисник или на откупувач ако се прекршат овие услови, ако постои сомнеж за злоупотреба или ако тоа го бараат прописите.

Агенцијата не одговара за штета настаната поради неточни податоци што ги доставил корисникот, поради неовластено користење на сметката заради невнимание на корисникот или поради привремена недостапност на системот.

Како ги обработуваме личните податоци е опишано во Заштита на лични податоци, а кои колачиња ги користиме во Политиката за колачиња.

Агенцијата може да ги измени овие услови. За битните измени корисниците ќе бидат известени во системот. Со продолжување на користењето ги прифаќате изменетите услови.

За овие услови важи правото на Република Северна Македонија. Споровите се решаваат пред надлежниот суд во Скопје.